Энэхүү судалгаанд суурилсан магистрын хөтөлбөр нь инженерийн болон байгалийн шинжлэх ухааны мэдлэгийг гүнзгийрүүлж, үйлдвэрлэлийн бодит асуудлыг шинжлэх ухааны аргаар шийдвэрлэх чадвартай ахисан түвшний мэдлэгтэй инженер бэлтгэнэ. Хөтөлбөрийг Герман дахь түнш их сургуулиудтай хамтран, Монгол Улсын аж үйлдвэрийн хэрэгцээнд нийцүүлэн боловсруулсан.

Хөтөлбөрийн товч мэдээлэл

Хөтөлбөрийн бүтэц

1-р улирал: Туршилтын төлөвлөлт, Оновчлолын арга, Инженерийн ёс зүй, сонгон судлах хичээлүүд

2-р улирал: Инноваци ба энтрепренёршип, Инженерийн статистик, Судалгааны семинар, Ахисан түвшний судалгааны төсөл (12 кредит — аж үйлдвэр, түнш байгууллагатай хамтран), сонгон судлах хичээл

3-р улирал: Магистрын дипломын ажил ба хамгаалалт (30 кредит)

Сонгон судлах хичээлээр дараах чиглэлээр мэргэших боломжтой: Механик инженерчлэл · Эрдэс баялаг, боловсруулалтын инженерчлэл · Хүрээлэн буй орчны инженерчлэл · Үйлдвэрлэлийн инженерчлэл · Мехатроник · Эрчим хүч, цахилгааны инженерчлэл.

Яагаад энэ хөтөлбөрийг сонгох вэ?

• Аж үйлдвэртэй уялдсан судалгаа — дипломын ажлаа ихэвчлэн ажил олгогч, түнш компанитай хамтран гүйцэтгэнэ

• Олон улсын стандарт — Европын дээд боловсролын стандарт, ECTS кредит, англи хэл дээр сургалт

• Хаанаас ч суралцах боломж — хөдөө орон нутагт ажил эрхлэдэг инженер, мэргэжилтнүүдэд тохиромжтой онлайн сургалт

• Монгол, Герман болон олон улсын профессорууд — лаборатори, бодит асуудал дээрх хэлэлцүүлэг, бие даасан төсөл

• Судалгааны арга зүй — туршилтын төлөвлөлт, оновчлол, статистикийн хүчтэй суурь

• Ажил мэргэжлийн өргөн боломж — уул уурхай, боловсруулах үйлдвэр, эрчим хүч, байгаль орчны салбарт удирдах, судалгааны албан тушаалд

• Цаашид суралцах суурь — докторын (Ph.D.) түвшинд үргэлжлүүлэн суралцах бэлтгэл