Яагаад Механик инженерийн хөтөлбөрийг санал болгодог вэ?

"Механик инженер"-ийн бакалаврын хөтөлбөр (B.Sc) нь үйлдвэрлэл, барилга, тээвэр, уул уурхай, эрчим хүчний салбарт ажиллах хүсэлтэй залууст шаардлагатай мэргэжлийн бүх ур чадварыг олгох болно. МГТИС-ийн тус хөтөлбөрт суралцаж буй оюутан, төгсөгчид нь аливаа машин, тоног төхөөрөмжийг зохион бүтээх, загварчлах, хөгжүүлэхээс гадна үйлдвэрлэл, засвар үйлчилгээний салбарт ажил эрхлэх боломжтой.
 

 
Яагаад механик инженерийн мэргэжлээр суралцах хэрэгтэй вэ?

Механик инженерийн салбарыг "инженерчлэлийн хатан хаан" хэмээн өргөмжилдөг. Хүн төрөлхтөн чулуун зэвсэг, шавар аяга хийж эхэлснээр энэ салбар “ESTM” буюу Хүн ба Энергийг холбодог орон зайн гүүр нь болсон түүхтэй. Товчоор хэлбэл, энэ салбарыг “ESTM” буюу Хүн ба Энергийг орон зайгаар холбогч багажуудыг бүтээх үүрэгтэй гэж дүгнэж болно. Чухамдаа хүн төрөлхтөн аль балар эртний үеэс л чулуун зэвсэг, шавар аяга хийх зэргээр Механик инженерчлэлийг амьдрал ахуйдаа ашиглаж иржээ. Хүний нийгэм хөгжихийн хэрээр багаж хэрэгсэл нь нийгэм эдийн засгийн хувьслын чухал хүчин зүйл болсон.

Түүхээс харахад хүн багаж хэрэгслийг зохион бүтээснээр сэтгэлгээ, хүний амьдрал, ертөнц асар ихээр өөрчлөгджээ. Эдгээр өөрчлөлтийг авчрахад механик инженерийн салбар чухал үүрэг гүйцэтгэсэн. Одоо ч, ирээдүйд ч хувьсгалт шинэ эринг энэ салбар л тэргүүлсээр байх болно.
 

 


Мэргэжлийн чиглэлээрээ хөгжин дэвших боломжууд:

Энэ мэргэжлээр зохих мэдлэг чадвараа эзэмшсэн төгсөгч нь бүх төрлийн эрдэс, түүхий эд боловсруулах салбараас гадна үйлдвэрлэл үйлчилгээний чиглэлд инженерээр, мөн судалгаа шинжилгээ ба хөгжүүлэлтийн мэргэжилтнээр ажиллах орон зай, боломж бий. 
 
МГТИС-ийн механик инженерийн хөтөлбөрийн онцлог нь юу вэ?
  • Сургалт Герман стандартаар явагддаг бөгөөд Европын магадлан итгэмжлэлтэй МГТИС-ийн диплом нь Европын их сургуулиудын хэмжээнд хүлээн зөвшөөрөгддөг.
  • Багш нар нь Герман, АНУ, Солонгос, Хятад, Япон зэрэг улсад эрдмийн зэрэг цол хамгаалсан, олон улсын хэмжээнд ажиллах чадвартай бөгөөд хамтран ажиллагч болон оюутнуудтайгаа нээлттэй байдгаараа Монголын бусад их, дээд сургуулиас онцлогтой. Оюутнууд тэдний хувьд судалгааны хамтрагч, найз нөхөр нь байдаг.
  • Оюутнууд суралцах явцдаа "Оюу Толгой" зэрэг томоохон компаниудад үйлдвэрлэлийн судалгааны ажилд оролцдог нь тэдэнд судалгааны арга барил эзэмших дадал болохоос гадна илүү том боломжийг нээж өгдөг. Энэ нь манай оюутнуудыг бусад олон компанид өндрөөр үнэлэгдэх боломжийг олгож байна.
  • 4-р курсийн оюутнууд Герман, АНУ-ын оюутнуудтай хамтарч төгсөлтийн судалгааны төсөл гүйцэтгэдэг нь манай сургуулийн оюутнуудад туршлага хуримтлуулах томоохон боломж юм. Төслийн явцад оюутнууд судалгааны ажил хийхээс гадна олон улсын түвшний оюутан, судлаачидтай хэрхэн хамтарч ажиллах, харилцах соёлд суралцдаг.
  • Германы Аахены техникийн их сургууль, Дармштадын их сургууль, Фрайбергийн техникийн их сургуультай хамтарч ажилладаг бөгөөд дээд курсийн шалгарсан оюутнууд 1 семестрийн хугацаанд дээрх сургуулиудад суралцдаг.
  • Мэргэжлийн хичээл нь зохион бүтээх болон практик ажилд тулгуурласан байдаг тул оюутан сургуулиа төгсмөгц ажлын байранд гарч, мэдлэг чадвараа шууд ашиглах боломжтой.
  • Мэргэжлийн хичээлээс гадны судлаач, оюутнуудтай багаар ажиллах, мөн гадаад хэл, эдийн засаг, төслийн менежментийн мэдлэг зэрэг ур чадварыг эзэмшдэг.



Шаардлага болон Сургалтын төлбөр


МГТИС-ийн бакалаврын хөтөлбөрт элсэхийн тулд дараах шаардлагыг хангасан байна. Үүнд: 
  • Бүрэн дунд боловсрол эзэмшсэн байх
  • МГТИС-ийн Англи хэлний шалгалтад С1 /ахисан/ болон В2 /ахисан дунд/ түвшин хангасан байх
  • ЭЕШ-д Математик, Физикийн хичээлүүдэд 650 ба түүнээс дээш оноо авсан байх
Сургалтын төлбөр:
  • Бакалаврын хөтөлбөр: 1 кредит нь 108,000 төгрөг
  • Дотуур байрны төлбөр: 4 хүнтэй өрөө - жилийн 520,000 төгрөг
МГТИС нь сургуулийн нэрэмжит тэтгэлэг болон Германы эрдмийн солилцооны алба (DAAD)-ны тэтгэлэгт хөтөлбөрүүдийг хэрэгжүүлдэг бөгөөд сурлагын амжилт, хичээлээс гадуурх үйл ажиллагаанд идэвхтэй оролцсон болон санхүүгийн тусламж шаардлагатай оюутнуудад дэмжлэг үзүүлдэг. Бид оюутнуудад зориулсан тэтгэлгийн тоо хэмжээг нэмэгдүүлэхийн тулд компани, аж ахуйн нэгж, байгууллагуудтай харилцаа, хамтын ажиллагаагаа тогтмол хөгжүүлэн ажиллаж байна. Манай оюутнуудын тал хувь нь тэтгэлэг болон санхүүгийн дэмжлэгтэй суралцаж байна.

Механик инженерийн хөтөлбөрийн зорилго 
 
Тус хөтөлбөрийн сургалтын зорилго нь оюутан залуусыг Монголын нийгэм, аж үйлдвэрийн салбарынхны итгэлийг даах "Монгол Улсын хөдөлгүүр" болоход нь сургах явдал юм. Энэхүү эрхэм зорилгоо биелүүлэхийн тулд оюутнуудад дараах мэдлэг чадварыг олгох зорилготой. Үүнд: I) инженерийн бодит асуудлыг шийдвэрлэхэд суурь онол, мэдлэгийг ашиглах; ii) машины эд анги болон системийг бүтээлч байдлаар зохион бүтээх; iii) олон талт мэдлэгийг ашиглан инженерийн асуудлыг тодорхойлох, шийдвэрлэх; iv) инженерийн асуудлаа шийдвэрлэхийн тулд хамт олонтойгоо харилцах, хамтран ажиллах, v) нийгэмд хариуцлагатай инженер болон бэлтгэгдэх зэрэг юм.

Мэргэжлийн хөтөлбөрийн бүтэц, зохион байгуулалт
 
МГТИС-ийн Механик инженерийн сургалтын хөтөлбөр нь тухайн хөтөлбөрийн боловсролын зорилгыг биелүүлэхэд чиглэгдсэн болно. Тус хөтөлбөрийг Монгол, Герман профессорууд Монголын нийгэм, аж үйлдвэрлэлийн салбарыг нарийвчлан судалсны үндсэн дээр боловсруулсан юм. Ингэснээр төгсөгчид нийгмийн хэрэгцээнд нийцсэн мэдлэг, практикт ашиглах ур чадвартай болох юм. Монгол Улс болон дэлхийн эдийн засаг, нийгмийн байдал хурдацтай өөрчлөгдөж байгаатай зэрэгцэн сургалтын хөтөлбөрийг тогтмол үнэлж, шинэчлэн боловсруулдаг.

Тус сургалтын хөтөлбөр нь шинжлэх ухааны суурь модулиуд, техникийн суурь модулиуд, мэргэжлийн модулиуд ба дадлага зэргээс бүрдэнэ. Манай сургалтын хөтөлбөрт харилцааны ур чадвар, хэл яриа, гадаад хэл гэх мэт “зөөлөн ур чадвар” онцгойлон тусгагдсан болно.
 
5-р семестр 7-р семестр
  • Үйлдвэрлэлийн процессын технологи
  • Механик процессын инженерчлэл I
  • Хий шингэний хөтлүүр
  • Инженерийн механик IV
  • Төгсгөлөг элементийн арга
  • Хөдөлмөрийн аюулгүй байдал, эрүүл ахуй
  • Сонгон суралцах хичээл
  • Бүтцийн бат бөх  ба системийн найдвартай ажиллагаа
  • Үйлдвэрлэлийн процессын загварчлал
  • Мехатроник ба автоматжуулалт
  • Ил уурхай ба далд уурхайн олборлох машинууд
  • Шинжлэх ухааны бичвэр
  • Сонгон суралцах хичээл
6-р семестр 8-р семестр
  • Инженерийн механик V
  • Бодит бүтээгдэхүүний загвар
  • Эрчим хүчний системүүд
  • Үйлдвэрлэлийн дадлага
  • Сонгон суралцах хичээл
  • Бутлан ангилах ба холигчууд
  • Төгсөлтийн судалгааны төсөл
  • Бакалаврын дипломын ажил
  • Сонгон суралцах хичээл

A) Шинжлэх ухааны үндсэн модулиуд
  1. Байгалийн ухаан: Математик, Физик, Хими
  2. Лаборатори: Физикийн лаборатори, Химийн лаборатори
B) Техникийн үндсэн модулиуд
  1. Ерөнхий: Геологийн үндэс, Компьютерийн шинжлэх ухааны үндэс, Статистик ба тоон аргууд, Цахилгаан техникийн үндэс, Чулуулгийн шинж чанар, Эдийн засаг, Шинжлэх ухааны арга зүй, Инженерийн төсөл
  2. Механик: Статик, Динамик, Шингэний механик, Хэмжилт ба Хяналт, CAD, Инженерийн зураг төсөл, Инженерийн термодинамик, Материал судлал
C) Мэргэжлийн модулиуд
       Үйлдвэрлэлийн процессын технологи, Материалын эсэргүүцэл, Механик процессын инженерчлэл I, Эрчим хүчний систем, Машины эд анги, Төгсгөлөг элементийн арга, Хий шингэний хөтлүүр, Хөдөлмөрийн аюулгүй байдал, эрүүл ахуй
D) Нарийвчилсан мэргэжлийн модулиуд
      Доргио чичиргээ, Бүтээгдэхүүний виртуал дизайн, Бүтцийн бат бөх  ба системийн найдвартай ажиллагаа, Үйлдвэрлэлийн процессын загварчлал, Мехатроник ба автоматжуулалт, Ил уурхай ба  далд уурхайн олборлох машинууд, Бутлан ангилах ба холигчууд
E) Зөөлөн ур чадвар
      Соёл хоорондын харилцааны чадвар, Техникийн англи хэл, Нийгэмд дэх инженерийн үүрэг, Шинжлэх ухааны бичвэр, Англи хэл, Герман хэл
F) Төгсөлтийн судалгааны төсөл ба бакалаврын дипломын ажил
      4-р курсийн оюутнууд Төгсөлтийн судалгааны төсөл ба бакалаврын дипломын ажлыг заавал гүйцэтгэх ёстой. Эдгээр нь МГТИС-д дөрвөн жилийн турш сурч мэдсэн мэдлэгүүдээ нэгтгэн дүгнэхэд зориулагдсан. Төгсөлтийн судалгааны төслийн үеэр 4-р курсийн оюутнууд Герман, АНУ-ын оюутнуудтай хамтарч, бодит асуудлыг шийдвэрлэдэг. Мөн оюутнууд хэрхэн судалгаа хийх, эрдэм шинжилгээний ажил хэрхэн бичих талаар мэдлэг, чадвартай болдог
G) Дадлага
      Оюутнууд 6 долоо хоногийн суурь дадлага 3-р курсийн өмнө, 14 долоо хоногийн үйлдвэрлэлийн дадлага 4-р курсийн өмнө хийх ёстой. Суурь дадлага нь мэргэжлээ сонгоход хэрэгтэй байдаг бол үйлдвэрлэлийн дадлага нь оюутнуудад практик туршлага, ур чадвар эзэмшүүлдэг           

Механик инженерийн чиглэлээр амжилттай суралцах 10 зөвлөмж

1. Та системийн эрэлт, нийлүүлэлт гэж юу болохыг үргэлж санаж байх хэрэгтэй
Механик инженерийн чиглэлээр сурч буй онол, зарчмууд нь системийн бүтцийн эрэлт, нийлүүлэлтийг тооцоолоход тань тусална. Жишээлбэл: та үйлдвэрт ус нийлүүлэх усны насосыг зохион бүтээж байгаа гэж үзье. Та юу хийх гэж байна вэ? Нэгдүгээрт, та нэг өдрийн үйлдвэрийн усны хэрэгцээг тооцоолох хэрэгтэй. Хоёрдугаарт, насосны хангамж, усны эрэлтээс өндөр байлгахын тулд та насосны багтаамжийн хүчин чадлыг тооцоолох хэрэгтэй. Энэ бол маш энгийн жишээ, гэхдээ бараг бүх инженерийн асуудлыг ийм байдлаар шийдэж болно. 

2. Математикийн томъёоноос айх хэрэггүй
Загварууд нь байгалийн болон нийгмийн үзэгдлийг биет хэлбэрээр илэрхийлэх явдал юм. Механик инженерчлэлд эдгээр загварыг ихэнхдээ математик хэлбэрээр мөн хэлний тодорхойлолтоор илэрхийлдэг. Механик инженерийн бүхий л загваруудыг (ж.нь. математикийн томъёо, тодорхойлолтууд) олон зууны турш эцэс төгсгөлгүй хүчин чармайлтаар оюун ухаантнууд хөгжүүлсэн байдаг. Математикийн томъёог харахдаа эсрэгээр нь томъёогоор тайлбарласан байгалийн үзэгдлийг төсөөлөх хэрэгтэй. Ингэснээр механик инженерчлэлийг судлах нь маш сонирхолтой байх болно. Байгалийн үзэгдэл мөн нийлэмжтэй/хоорондоо зохицох загвар нь нэгнийгээ орлох боломжтой гэдгийг битгий мартаарай.

3. Инженерийн нэр томъёоны тодорхойлолтыг сайтар ойлгож, дагаж мөрдөх
Инженерүүд хоорондоо харилцахдаа нийтлэг инженерийн нэр томъёог ашигладаг. Тиймээс инженерийн нэр томъёоны тодорхой ойлголттой байх нь Механик инженерчлэлийг судлахад маш чухал юм. Хэрэв та инженерийн нэр томъёоны нарийн тодорхойлолтыг мэддэг бол ахисан түвшний мэдлэгийг бат бөх суурь дээр бий болгох боломжтой. 

4. Магадлалын асуудлыг хэрхэн шийдвэрлэх талаар суралцах
Инженерийн асуудлын шинж чанар нь үндсэндээ магадлалын онолоос урган гарсан байдаг. Гэхдээ инженерүүд магадлалын асуудлыг детерминист болгон хялбаршуулдаг. Харин одоо инженерийн онол, тооцооллын ур чадвар ахисан тохиолдолд детерминист арга хэлбэрээс магадлал руу шилжих хандлага ажиглагдаж байна. Үүнийг бэлтгэхийн тулд та Статистик ба Магадлал гэх мэт сэдвийг байнга сонирхох хэрэгтэй.

5. Бүх зүйл хангалттай шалтгаантай байх учиртай
Инженерчлэл бол эвлүүлдэг тоглоом л гэсэн үг. Та блокуудыг нэг нэгээр нь өрж, блок бүр нь доор байрлах бусад блокуудын дээр байх ёстой. Тиймээс та ямар нэгэн зүйлийг танилцуулах, илтгэл бичих эсвэл төслийн талаар санаа тавихдаа саналаа сайн дэмжиж, шалтгаан өгөхийг хичээ. Өндөр цамхаг босгохын тулд блок бүрийг хооронд нь сайтар холбож, нэг нэгэнтэй нь хамт байлгах ёстой. Таны танилцуулгын слайд дээрх ганц тоо ч гэсэн ийм тоо байх ёстой шалтгаан нь болох ёстой гэдгийг санаарай.

6. Үндсэн сургалтын ач холбогдол: Статик, динамик, материалын механик, статистик мөн магадлал
Механик инженерийн чиглэлээрх мэдлэг нь шаталсан шинжтэй бөгөөд хэрэв та цаашдын ахисан түвшний мэдлэгийг олж авахыг хүсвэл үндсэн сургалтуудыг эзэмших ёстой гэсэн үг юм. Тиймээс та Статик, Динамик, Материалын Механик, Статистик ба магадлал гэх мэт сэдвийг сайтар судлах хэрэгтэй. Дараа нь та ахисан түвшний мэдлэгийг хялбархан бий болгож чадна.

7. Профессортойгоо идэвхтэй харилц
Профессорууд танд туслахад бэлэн байна. Тиймээс танд сургалтын талаар асуулт байвал, тусламж, зөвлөгөө авах шаардлагатай бол тэдэнтэй уулзаж тусламж хүсээрэй. Тэд танд туслахдаа таатай байх болно. Профессоруудтайгаа илүү ойр байх тусам сургуулийн амьдрал хялбар байдаг.

8. Том төвөгтэй асуудлыг олон жижиг хэсэг болгон задалж сурахад оюун ухаанаа бэлтгэх 
Ихэнх механик инженерийн загварын шийдлүүд маш төвөгтэй асуудлуудтай байдаг. Тийм ч учраас томоохон төслийг олон жижиг хэсгүүдэд хувааж үздэг. Их сургуулийнхаа жилүүдэд асуудлыг энгийнээр шийдэх хэд хэдэн алхмыг тооцоолж сурахыг хичээ. Энэ нь таны зуршил болсны дараа жинхэнэ төвөгтэй асуудал тулгарвал танд төвөггүй байх болно. 

9. "Тэгээд яах бол?" мөн "Хэрвээ ингэвэл..." гэж асуу
Та ямар нэг зүйл сурахдаа энэ хоёр асуултыг өөрөөсөө асуугаарай. Хичээлийн үеэр та профессоруудаас дамжуулсан мэдлэгийг зүгээр л идэвхгүй хүлээж авбал тархи чинь ажиллахаа больж, унтах болно. Гэхдээ хэрэв та өөрөөсөө асуулт асуувал тархи чинь өдөөгдөж, хичээлд идэвхтэй оролцоно. “Хэрэв ингэвэл?” гэсэн асуулт нь бусад ойлголтуудыг улам гүнзгийрүүлж, “Тэгээд яах бол?” гэсэн асуулт нь таны гүнзгий ойлголтыг нэмэгдүүлэх болно.

10. Өөрийгөө бүтээлч сэтгэлгээтэй мөн загварчлах чадвартай болгох
Механик инженерийн хувьд та систем, эсвэл бүтцийг бүтээлчээр загварчлах/зохион бүтээх хэрэгтэй. Таны 10 жилийн дараа амьдарч буй ертөнц таныг уран бүтээлийн сэтгэлгээгээ уран сайхны утгаар харуулахыг шаарддаг. Та үүнийг хэрхэн дэмжиж чадах вэ? Олон ном, ялангуяа сонгодог ном уншаад Монголын урлаг, байгалийн үзэсгэлэнг олж хараарай. Үүнээс гадна ямар ч төрлийн урлагт суралц. Энэ нь хөгжим, уран зураг, гэрэл зураг, бүжиг гэх мэт байж болно. Энэ нь таныг бүтээлч байхад тусална.

Яагаад МГТИС-д Инженерийн зэрэг авах хэрэгтэй вэ?

МГТИС-ийн хичээл, судалгаа нь бүтээлч, шүүмжлэлт сэтгэлгээг хөгжүүлэх дадлагад суурилсан чиг баримжааг баримталдаг. Оюутнуудын дадлагад суурилсан чадвар, мэргэжлийн болон хувь хүний хөгжлийн дэмжлэг, олон улсын их сургууль гэсэн шинж чанар нь МГТИС-ийг Монгол дахь загвар их сургууль гэдгийг тодотгож байгаа юм. “Механик инженер”-ийн бакалавр нь Европын стандартын дагуу 240 кредит цагтай дөрвөн жилийн боловсролын хөтөлбөрийг дагаж мөрдөж байна. Түүнчлэн олон улсын магадлан итгэмжлэл нь оюутнуудыг Европын холбоо болон бусад улс оронд үргэлжлүүлэн суралцах өргөн боломжийг олгодог. Сургалтын хэл англи хэл тул (дараа нь Герман хэл ордог) оюутнууд олон улсын хэмжээнд ажиллах бүрэн боломжтой. Сургалтын хөтөлбөрүүд нь дадлагад суурилсан сургалтыг голчилдог. Лекцээс гадна оюутнуудыг ажлын талбайд, лабораторид бэлтгэдэг. Тойрон аялал, дадлага олгогчидтой хийх уулзалтууд, мэргэжлийн дадлагын ажил зэрэг нь оюутнуудыг боломжит ажил олгогчидтой холбох, тэдэнд ирээдүйн ажил мэргэжлийнх нь талаар ойлголт өгөхөд тустай. Эцэст нь хэлэхэд, олон улсын (Герман) туршлагыг эх орондоо эзэмшиж, үр шимийг хүртэж буй нь МГТИС-д инженерийн боловсролыг олгож буйн гол мөн чанар юм.